LEGAZPI CITY – Naglunsar an grupo nin mga paratukdo nin State of the Teachers Address ngani na maipaabot an mga pangapudan sa gobyerno.
Sa intrevista kan Bombo Radyo Legazpi kay Vladimer Quetua an Chairperson kan Alliance of Concerned Teachers, taunan ng pigsasagibo kan saindang grupo an nasabing aktibidad na pigtatapat sa State of the Nation Address kan Presidente.
Obheto kaini na maipaabot an mga pangapudan kan grupo sa administrasyon siring kan pagpapalangkaw nin pasahod sa mga paratukdo, dagdag na pondo para sa mga gamit sa eskwelahan asin iba pa.
Nagtao naman an grupo nin critically unsatisfactory o bagsak na grado para kay Presidente Ferdinand “Bongbong” Marcos Jr. huli sa pagpalyar suboot kaini na masimbagan an mga problemang pigkakahampang kan sektor.
Pangapudan kan Alliance of Concerned Teachers sa Presidente na tutokan an edukasyon sa Pilipinas kaiba sa pangenot na kaipohan ngani na magkaigwa nin kaaraman asin mas maggayon an futuro kan mga Pilipino.
