LEGAZPI CITY-Ipighayag kan grupo nin mga paratukdo na dai masosolusyunan kan trimester proposal kan Department of Education an mga pangenot na krisis sa edukasyon.
Segun kay Alliance of Concerned Teachers National Chairperson Ruby Ana Bernardo, sa intrevista kan Bombo Radyo Legazpi, kun hihilingon sa papel, na madaling sabihon na palitan an school calendars alagad pag-abot sa pag-repaso kaini asin compentencies, magkakaigwa nin mga adjustments asin babaguhon an grading, school forms, lesson plan, asin iba pang teknikal na pangangaipohan.
Dagdag pa niya na kwestyunable an implementasyon kaini ngonian na taon kun sain posibleng magahol nin oras asin importante an konsultasyon kan nasabing polisiya.
Tinawan doon pa niya na dapat mas tawan nin pansin kan gobierno asin ahensya an kakulangan sa mga eskwelahan siring kan classrooms, teaching asin non-teaching personnels imbes na magsagibo nin eksperimento.
Suhestyon man niya dapat inuton kan gobierno an mga simpleng pamamaraan siring kan pag-grado kun sain mano-mano pang pigsasagibo kan mga paratukdo hasta sa ngonian.
Nangangapudan man siya sa lehislador na magkaigwa muna nin konsultasyon mapadapit sa nasabing polisiya.
