LEGAZPI CITY-Tinawan doon kan grupo nin mga paratukdo na kinakaipuhan an suporta sa mga estuyante asin kabataan orog na sa orolay mapadapit sa edukasyon asin mental health.
Kasunod ini kan nagin pahayag kamakailan kan ni Senator Robin Padilla na suboot pagigin ‘weak’ an mga mga kabataan ngonian na panahon.
Segun kay Alliance of Concerned Teachers-National Capital Region Ruby Anna Bernardo, sa intrevista kan Bombo Radyo Legazpi na sensitibo an orolay mapadapit sa depression o anxiety na dapat natatawan nin pansin asin mapagolayan sa senado.
Sinabi niya na bilang sarong paratukdo, iba-iba an henerasyon asin karakter kan kabataan, kaya bako kaduda-duda na “very vulnerable’ sinda sa anxiety asin depresyon.
Dagdag pa niya na huli ini sa mga krisis na naeeksperyensyahan sa nacion asin iba na an panahon kun sain mas bukas ini bilang sarong diskurso.
Sa presente dapat suboot na suportaran asin tawan nin giya an mga estudyante kun pano i-handle an stress asin dai dapat i-discredit an kalagayan kan mga estudyante huli ta bako ini sarong kaluyahan.
Alagd, punto man niya na kadakol sa mga eskwelahan sa nacion an may mga kakulangan sa mga pasilidad na dapat magayon na espasyo sa pag-aadal, kasabay kan saindang mga backlogs, sa edukasyon.
Kasundo kaini, dapat suboot na mapagolayan an mental health kan mga kabataan asin matawan nin solusyon asin kakayanan an gobierno asin mga paratukdo ngani masolusyonan an siring kaining mga problema.
