LEGAZPI CITY- Nangapudan an grupo nin mga paratukdo sa gobierno na tawan atensyon an kalidad kan mga classrooms sa bilog na nacion makalihis na maapektaran kan bagyong Kristine.
Segun ki Alliance of Concerned Teachers Vlademir Quetua sa intrevista kan Bombo Radyo Legazpi na maabot sa poco mas o menos P3.3B an nagin danyos kan bagyo sa sektor kan edukasyon.
Napag-araman na dakol na mga eskwelahan pa an bako preparado na magsagibo nin face-to-face classes huli ta igwa pang mga nagseserbing evacuation center, mantang an iba an nagtetenir na apektado nin mga pagbaha asin pagrasay nin daga.
Aminado man an opisyal na igwang dakulang epekto an padagos na suspensyon kan klase sa pagkanuod kan mga jovenes.
Idugang pa digdi an nadistrosong mga learning materials.
Mientras tanto, sinabi ni Quetua na an kalamidad na an nagmumuklat sa mata kan publiko ngani na mahiling an substandard na mga eskwelahan asin nagkapirang flood control project sa nacion.
