LEGAZPI CITY- Aminado an grupo nin mga paratukdo na bako bastante an P1,000 na insentibo bilang pagbisto sainda sa nakalihis na World Teacher’s day.
Segun ki Act Teachers Philippines Chairperson Ruby Ana Bernardo sa intrevista kan Bombo Radyo Legazpi na kun mawot na bistuhon an saindang lado, mas makakatabang kun babanggiton kan administrasyon an orolay sa dagdag sweldo kan mga paratukdo.
Sa presente kaya, aminado an opisyal na maagi muna sa labing kadifisilan an sarong paratukdo antes na magkaigwa nin promosyon.
Pag-istorya kaini na kadakol na mga paratukdo sa nacion an dae nakaka-ahon sa mga loans huli sa hibabang pasahod.
Tinuyaw man ni Bernardo na dakulang kwarta an pigpapakinabangan sa korapsyon alagad dae natatawan nin atensyon an pangangaipo kan sektor kan edukasyon.
Padagos suboot na pighahabunan an mga Pilipino, kaibanan na an mga paratukdo kaya dae mapondohan an dagdag sahod asin benepisyo.
