LEGAZPI CITY—Dismayado an grupo nin mga paratukdo sa nagin pahayag ni Palace Press Officer Undersecretary Claire Castro mapadapit sa may mga ibang paratukdo suboot na nagtutukdo sa mga estudyante na magin warang modo.
Ini an kasunod kan nangyaring shooting incident sa Ateneo de Zamboanga University kun saen duwang estudyante an binawian nin buhay.
Segun ki Alliance of Concerned Teachers Alliance of Concerned Teachers Ruby Chairperson Ana Bernardo, sa intrevista kan Bombo Radyo Legazpi, na mantang naghahalat sinda nin paghagad despensa kan opisyal alagad wara sindang naresibe gikan digdi.
Tuyong nadangog suboot ninda an pagsi-single out asin naghahanap nin masisisi. Mas lalo kaining pigpagabat an saiyang kasalan sa mga paratukdo.
Dugang niya na mas nakakadagit ini huli sa sensitibo asin komplikado an nasabing isyu asin dae basta-basta na dapat itukdo sana an kasalan sa mga paratukdo.
Sinabi man ni Bernardo na kinakaipuhan nin mas hararom na imbestigasyon o aksyon na mahihiling sa orolay siring kan violence, access to gun, mental health, asin presenteng krisis sa edukasyon.
Tinawan-doon kaini na dae deserve kan mga paratukdo an nasabing pahayag.
Nangapudan man ini ki Department of Education Secretary Sonny Angara na manindugan para sa saindang sektor.
