LEGAZPI CITY – Ikinadismaya kan grupo nin mga paratukdo an nagin desisyon kan korte suprema sa impeachment case ni Vice President Sara Duterte.
Segun ki Alliance of Concerned Teachers Chairperson Vladimir Quetua sa intrevista kan Bombo Radyo Legazpi na magkahalong emosyon an saindang namatean huli ta saro sinda sa mga sektor sa mga nagsunad nin complaints makalihis an maanomalyang transaksyon kan bise kan kalihim pa ini kan Department of Education.
Alagad nanindugan siya na dae pa tapos an laban huli ta teknikal na orolay pa man sana an pigtukar kan korte suprema asin dae sinabi kaini na abswelto na an suboot numero unong mandarambong kan nacion.
Nagtutubod siya na maguguno ninda an hustisya sa paagi kan pagpapahiro asin pagkalampag kan taumbayan makalihis an paggastos kan nasabing opisyal nin halangkaw na kantidad kan pondo sa laog sana nin haros duwang semana.
Pagdoon niya man na dae sinda matugot huli ta an ibang ordinaryong nagtatrabaho sa gobierno an nakukulong huli sana sa kulang na 15 pesos sa saindang deklarasyon mantang an ginibo kan bise an may posibilidad pa ining matakasan.
Mientrastanto plano man kan naunambitang grupo na magsagibo nin pagtitipon asin nakatalaang makibale sa manlain-laing sector para sa isasagibong “People’s SONA” sa mismong aldaw kan State of the Nation Address kan Presidente sa Lunes, July 28.
Mawot nindang madangog kan administrasyon an saindang pangapodan na dagdag swledo kan mga paratukdo pati man an pagdugang sa pondo kan sektor kan edukasyon.
