LEGAZPI CITY- Bukas para sa grupo nin mga paratukdo an pahayag kan Department of Education sa mga eskwelahan na ibitaran an anuman na partisan political activities sa graduation asin moving-up ceremonies.
Segun ki Alliance of Concerned Teachers chairperson Vlademir Quetua sa intrevista kan Bombo Radyo Legazpi na aram man kan mga paratukdo na mahigot na ipinagbabawal an pagigin partisan urog na sa panahon kan panahon kan kampanya.
Sa ibong kaini, pigduon kan grupo na igwa man sinda nin diretsos na magpahayag nin opinyon asin giya sa mga botante na hilingon an track record kan mga kandidato.
Ini an parte man kan voters education na pigigibo kan nasabing grupo ngani na maipasabot man sa mga botante an importansya kan wais na pagpili kan mga kandidato.
Sa ibong kaini, aminado si Quetua na dakol an mga papansin na mga aspirante na naghahanap nin lokal na mga aktibidad asin dakol na mga pagtiripon.
Ini kaya an komon na pigagamit na paagi ngani na makapangampanya.
Alagad nanindugan an opisyal na dapat na magin non-partisan sa gabos na pagkakataon kasabay kan dae pagpapasipara sa nangyayaring mga iregularidad sa eleksyon.
