LEGAZPI CITY- Kinondenar kan grupo nin mga parasisira an padagos na pambu-bully kan China sa mga Filipino fisherfolks sa West Philippine Sea.
Ini an katakod kan padagos na presensya kan mga barko kan China sa nasabing teritoryo.
Segun ki Pambansang Lakas ng Mamamalakaya ng Pilipinas President Pando Hicap sa intrevista kan Bombo Radyo Legazpi na warang ibang intensyon an mga parasisira sa pagpasiring sa West Philippine Sea kundi an makapaghanapbuhay.
Tinawan duon man kan opisyal na saro ining traditional fishing ground.
Kasabay kaini, nangapudan si Hicap sa gobierno kan China na irespeto an international law asin punduhon na an pagigin agresibo sa pinag-aaragawan na teritoryo.
Ini urog pang labing nasasakitan an mga fisherfolks huli sa sadit na ganansya na naaapektaran kan labing pagmahal kan presyo kan langis asin nagdidiit na dakop kan sira.
