LEGAZPI CITY-Pige-enganyar kan sarong grupo nin mga paraooma an Department of Agriculture (DA) na repasuhon an Republic Act 8800 o an Safeguard Measures Act na obhetong protehiran an lokal na industriya sa labing danyos na kawsa kan paglangkaw kan mga pig-aangkat na produkto.
Segun kay Federation of Free Farmers Chairman Leonardo Montemayor, sa inrevista kan Bombo Radyo Legazpi na nahahandal sinda sa kawaran nin aksyon sa pagrespunde sa isinangat nindang petisyon na poon pa kan Setyembre 2025.
Pigtatawan doon kaya ninda sa kalihim kan DA an masyadong pagdakol kan inangkat na bagas kan 2025 huli sa bagsak na presyo nin paroy asin uminabot sa P8 na sana an kada presyo kaini na ikinalugi kan mga paraooma.
Paliwanag ni Montemayor na pigtatawan nin mandato kan Republic Act 8800 an DA sa mga siring kaini na pangyayari kun sain enkaso may petisyon, kaipuhan na sa laog nin sarong bulan poon kan pagsumiter kaini, iyo an dapat na aksyunan na kan Kalihim.
Suhestyon man niya na pwedisir patawan nin temporaryong dagdag sa taripa ngani maulangan an pag-angkat kan imported na bagas asin matawan nin proteksiyon an mga paraooma.
Sinabi pa niya na haros siyam na bulan na sindang naghahalat asin hasta ngonian wara pang aksyon an ahensya.
Malinaw man suboot na milyong-milyon na an nadidifisilan na paraooma huli sa labing pag-angkat nin bagas.
