LEGAZPI CITY- Nanindugan an Trade Union Congress of the Philippines na dae pwedesir na magtapos an 20th congress na dae nag-uusad an propuesto para sa P200 na legislated wage increase.
Paliwanag ni TUCP Spokesperson Carlos Miguel Oñate sa intrevista kan Bombo Radyo Legazpi na ini an katakod kan dakol na mga propuesto na naisunad para sa dagdag sahod kan mga obrero.
Nanindugan an opisyal na warang katotoohan na warang kakayanan an mga negosyante na magtao nin P200 na dugang na sahod.
Habo sana suboot kan mga employers na iheras an saindang ganansya.
Segun ki Oñate na warang kumpanya an malulugi kun magtatao nin P200 na dugang na sahod huli ta kakarampot sana ini kumparar sa ganansya kan mga negosyante.
Dagdag pa kan opisyal na warang katotoohan na maluwa an pagtalubo kan gross domestic product kun magkakaigwa nin dagdag sahod, huli ta an tunay na nagpapaluya kan ekonomiya iyo an talamak na korapsyon.
