LEGAZPI CITY-Grupo nin kababaihan, nagpagirumdom sa historya asin importansya kan pag-komemorar kan International Women’s Month
Nagpagirumdom an sarong grupo nin mga kababaihan sa Bicol Region sa historya asin importansya kan pag-komemorar kan International Women’s Month ngonian na aldaw, Marso 8.
Segun ki Bicolana Gabriela Spokesperson Jen Nagrampa, sa intrevista kan Bombo Radyo Legazpi na dai sana ini pigmumukna ngani iselebrar alagad sarong makasaysayan na pangyayari huli sa haloy nang pakikibaka kan kan mga kababaihan para sa mga direchos.
Nagpoon ini taong 1910-1921 kun sain pinaglaban kan mga kababaihan an walong oras na pagtatrabaho asin direchos na makapag-boto siring man an anti-discrimination.
Sa pilipinas, nagpoon man an pag-komemorar kaini kan taong 1974 sa panahon ni Presidente Ferdinand Marcos Sr..
Sinabi ni Nagrampa na nagpapahiling sana ini na sa historya ngonian na aldaw nakipaglaban an mga kababaihan hasta sa maimukna kan United Nation an Marso 8 bilang International Women’s Day.
Tinawan doon pa ni Nagrampa na sagkod ngonian, pirmihang yaon an paglaban kan mga kababaihan orog na sa mga direchos kasabay kan taon taon na pag-komemorar kan Gabriela sa Bicol Region asin sa bilog na nacion.
