Nagpahayag nin pagkahandal an Group of Seven countries sa lalong naglalalang tensyon sa West Philippine Sea huli sa padagos na mga panghaharass kan China.
Sa ipinaluwas na mensahe kan grupo, tinuyaw kaini an paggamit nin pwersa kan China partikular na an pambobomba nin tubig asin pambabangga sa mga barko kan Pilipinas.
Tinawang duon man kan Group of Seven na pagsuway sa international law asin kontra sa United Nations Convention on the Law of the Sea an mga agresibong lakdang na ini kan China.
Pangapudan kan grupo na magsunod na sana sa international law an China asin irespeto an katoninongan sa West Philippine Sea.
Tulos man na pinasalamatan ni National Security Adviser Eduardo Año an mensaheng ini kan Group of Seven na nagkokondena sa mga lakdang kan China.
An Group of Seven an grupo nin pitong pinakamayayaman na nasyun sa kinaban na iyo an Canada, France, Germany, Italy, Japan, United Kingdom asin United States.
Dae kasabay sa grupong ini an China asin Russia huli sa pagiging komunistang nasyun.
