Preparadong i-deploy an grounded FA-50 fighter jet fleet enkasong magkaigwa nin emerhensya o isyu sa seguridad kan nacion.
Ini an pighayag ni Philippine Air Force spokesperson Col. Ma. Consuelo Castillo kasunod kan paramientras na pagpapapundo sa pagpapalayog kan nasabing mga fighter jets.
Kasunod ini kan trahedya kan pagbagsak kan saro sa fighter jet sa Bukidnon na ikinagadan nin duwang piloto.
Sinierto man kan opisyal na pig-iimbestigaran an insidente huli ta importante an nasabing mga fighter jet sa pambansang seguridad kan nacion.
Marurumduman na enot na binakal kan Pilipinas an nasa 12 units kan FA-50 fighter jet hali sa South Korea na idineliver sa nacion puon 2015 hasta 2017.
