LEGAZPI CITY- Pighayag kan Ground Sub Commander kan Concepcion Criminal Gang na mawot niyang magbagong buhay kaya nagdesisyon na magsurendir na sa mga otoridad.
Segun ki alyas Marasigan na matinding kadifisilan an saiyang pigkahampang sa bilog na durasyon kan pagtatago sa bulod.
Sinapar suboot kaini an gutom, epekto kan uran, lipot asin iba pa mantang nagtatago sa mga otoridad.
Aminado ini na aram niya na maabot an panahon na madadakop man sana siya kan mga kapulisan, siring kan nangyari sa iba pang mga miyembro kan grupo kaya tulos na nagsunod kan enganyaron na magsurendir na sana.
Pag-istyorya ni Alyas Marasigan na napabali siya sa Conception Criminal group makalihis na maenganyar kan sarong amigo hasta sa magtenir na sa kabunuludan.
Dugang pa kaini na kasabay kan pagsurendir niya, naglalaom siya na matatapos na man an mga krimen na pigkokonektar sa nasabing grupo.
