Nagsapar nin mild left ankle sprain si Memphis Grizzlies point guard Ja Morant.
Segun ki coach Taylor Jenkins na nahiling nahiling sa MRI exam an nasabing sprain.
Dugang pa ni Jenkins na magigin malikay an team sa salud ni Morant alagad naglalaom ini na magigin abilable an atleta sa season opener kontra sa Utah Jazz kan Oktubre 23.
Marurumduman na nakuwa ni Morant an nasabing injury sa preseason victory kan koponan kontra sa Dallas Mavericks.
Sa nasabing kawat, nakapagrehistro si Morant nin 13 points, apat na rebounds asin tulong assists sa laog nin 18 minutos.
An two-time All-Star na si Morant an nalimitaran sana sa siyam na kawat kan nakalihis na season huli sa suspensyon asin injury.
Sa laog nin limang NBA seasons, igwa siyang career average na 22.5 points, 7.4 assists asin 4.8 rebounds kada kawat.
