LEGAZPI CITY — Tinapos kan sarong kinse anyos na joven an saiyang sadiring buhay sa paagi kan paghugot.
Sa impormasyon kan pulisya, nabisto an biktima na sarong Grade 7 student sa Nasisi Technological Vocational School asin residente kan Purok 4 Sitio Boga, Barangay Basag, syudad kan Ligao.
Sa saindang ikinundusir na imbestigasyon, nagluwas na nadiskubre an nakabitay na hawak kan sarong joven na nangungua nin panggatong sa makahoy na lugar.
Tulos nya man ining ipinaabot sa nguhod na tugang kan biktima na iyo an nagputol sa pisi.
Binalo pa ining idalagan sa ospital alagad idineklarar na dead on arrival kan mga doktor.
Antes an nangyaring paghugot, dinagitan suboot an biktima kan saiyang ina.
Dae na ini nag-uli hasta sa nadukayan na sanang wara nang buhay.
Pigsasabing nagbabalong maghugot an joven tuyong pigdadagitan kan saiyang mga magurang asin mga tugang.
Bako na man interesado an pamilya kaini na isairarom an hawak sa otopsiya huli ta nagtutubod suboot sinda na talagang suicide an nangyari.ne
