Kinumpirmar kan Department of Budget and Management (DBM) na mareresibe kan mga kwalipikadong kawani kan gobierno an saindang year-end bonus na katumpad kan sarong bulan na basic salary asin P5,000 cash gift kaiba an saindang enot na sahod ngunyan na Nobyembre.
Inihayag kan DBM na nailuwas na kaini an kabilogang P82.998 bilyong pondo para sa mga benepisyo kan mga kwalipikadong sibilyan, militar asin uniformed personnel.
Gikan digdi, P73.449 bilyon ang itinagama para sa year-end bonus asin P9.549 bilyon naman para sa cash gift.
Segun ki Budget Secretary Kim Robert de Leon, sinugo na an mga ahensya na dae ipag-antala an pagbabayad asin siertohong sabay na mareresibe kan mga empleyado ang duwang benepisyo.
Nganing magin kwalipikado, kaipuhang nakapagsirbi an empleyado nin dae mababa sa 120 aldaw puon Enero 1 hanggang Oktubre 31, 2026, asin nagtitinir sa serbisyo sagkod sa nasabing petsa.
