LEGAZPI CITY — Liwat na nagpagirumdom an Civil Service Commission sa mga goverment workers dapit sa pag-iimbwelto sa non-partisan political activity apwera na sana sa pagboto.
Sa intrevista kan Bombo Radyo Legazpi ki CSC Bicol spokesperson Lynbee Navio, an mga opisyal na nasa covil service o maging mga militar an kaipuhan utubon an political neutrality asin non-parrtisanship o an pagsunod sa Republic Act 6713.
Bawal man suboot an pagbilog nin organisasyon, clubs o mga komite ngani na mag-solicit nin boto asin bawal man an pangangampanya sa ikakadaog kan kandidato.
Ipigbabawal man sa government workers an pagsusulot nin kalo o bado na may pangaran o pandok kan kandidato.
Alagada dae man ipigbabawal an pag-atendir sa mga political rally urog na direchos ini kan persona.
An sisay mang mapatotoohang guilty sa pagbalgar sa ley an kakahampangon an penalidad na sarong bulan may sarong aldaw na suspensyon hasta anom na bulan na suspensyon para sa first offense mantang dismissal from service o pagkahali sa trabaho man sa second offense.
