LEGAZPI CITY- Pormal ng nagbalik bilang gobernador kan Albay si Governor Grex Lagman ngunyan na aldaw, Abril 21, 2025 makalihis an anom na bulan na suspensyon.
Sa sarong pahayag, sinabi kan opisyal na kumpiyansa siya na dakol pang mga programa asin proyekto an maipapaotob sa natatadang duwang bulan kan saiyang termino.
Liwat man na pig-orgulyo ni Lagman an naresibeng Seal of Good Local Governance kan provincia sa tabang kan mga department heads kan gobierno provincial kan Albay.
An nasabing honra an patunay sana suboot kan dakol na mga trabaho asin proyekto kan provincia.
Mientras tanto, nagpasalamat man si Lagman sa serbisyo ni Acting Governor Glenda Bongao na paramientras na nagribay saiya sa posisyon.
