LEGAZPI CITY – Nagpadara nin surat si Catanduanes Governor Patrick Azanza ki Presidente Ferdinand Marcos Jr. nganing magkaigwa nin pondo para sa emergency power kan provincia.
Sa intrevista kan Bombo Radyo Legazpi sa nasabing opisyal na an saindang kahagadan sa Presidente an dakulang tabang nganing masulusyunan an problema sa saindang kuryente na naapektaran kan magkakasunod na bagyo.
Enot kaini an nakipag-olay na si sa Presidente asin kay Department of Energy (DOE) Sharon Garin mapadapit digdi kun sain pigpa-planuhan an permanenteng solusyon na ikonektar an provincia sa main grid nganing diretso na an supply kan kuryente asin internet.
Naglalaom man siya na ma-aalokaran nin pondo an saiyang kahagadan nganing maresolbaran na an haros urualdaw na patay-sinding kuryente sa Catanduanes.
Segun pa sa Gobernador na pwedesir nindang mapababa sa P10 sagkod P12 an magigin singil per kilowatt hour kan kuryente kun mapopondohan kan Office of the President an rehabilitasyon kan power supply sa provincia.
Sa presente an naghahalat pa sinda sa magigin kasimbagan ni Presidente Marcos mapadapit sa saiyang kahagadan makalihis na maisumite ninda an nasabing surat kan nakaaging aldaw.
Paglilinaw man ni Azanza na an pagpapadara niya nin kasuratan an maserbing paramientras na sulusyon mantang nagpapadagos an saindang bidding para sa 24 mega-watt long term solution kan kuryente sa isla provincia.
