LEGAZPI CITY-Mahahampang na sa administrative sanction an mga opisyal kan gobierno na mapapatunayang magdi-discriminate laban sa mga ‘persons living with human immunodeficiency virus (PLHIV)’ o mga tawong nagdadanas nin HIV.
Ipinaluwas kan Civil Service Commission (CSC) an bagong resolusyon na igwang administrative disciplinary action na pwedisir na hampangon kan mga empleyado o opisyal kan gobiyerno na magsasagibo kan nasambitang diskriminasyon.
Kairiba sa mga discriminatory practices kan CSC, iyo an pagbabawal sa mga indibidwal na pinaghihinalaan na igwang HIV para makabiyahe, pagpili sa mawot na harong, pagbabawal na magtrabaho sa public office, asin pag-bully sa sainda huli sa kinahahampang na medical condition.
Kairiba man digdi an pagbabawal sa mga HIV patients na makapag-avail nin bastante aisn tamang credit, insurance services, asin burial service.
Segun sa ahensiya, an mga bagong regulasyon, magigin epektibo para sa gabos na mga opisyal asin empleyado kan pamahalaan poon sa national government agencies asin regional, provincial offices, a local government units.
Sakop mankaini an empleyado asin opisyal kan state colleges and universities, asin mga government-owned and controlled corporations na igwang original charter.
Nakatalaan pa sa nasambitang bagong resolusyon na gabos na mga reklamo mapadapit sa diskriminasyon, tutugunan suboot asin reresolbahon na igwang sarig sa 2017 Rules on Administrative Cases in the Civil Service, na magtatalaga nin mga disciplinary asin non-disciplinary administrative cases na harani sa ahensiya.
