LEGAZPI CITY – Ipigpapasalamat kan Provincial Government of Albay na dae man napuruhan an provincia kan paghagupit ni Bagyong Opong sa rehiyon kan Bicol.
Alagad segun ki Governor Noel Rosal na namundo siya huli sa sinapit kan provincia kan Masbate na labing napuruhan kan makukusog na duros na paros na nagkawsa nin dakulang destroso mantang naghahanap na man sinda nin paagi nganing makatabang.
Mapaluwas na man suboot siyang kasuguan para sa decampment kan mga evacuees asin pwedesir nang magbukas an mga malls asin groceries mantang mantenidong suspendido an laog sa klase, trabaho sa mga ofisina kan gobierno asin pribadong sektor.
Nakatalaan man si Gov. Rosal na magbisita sa westcoast kan provincia para sa gigibuhon nindang assessment manungod sa epekto ni Opong sa provincia.
