LEGAZPI CITY – Liwat na nanindugan si Catanduanes Governor Joseph Cua na wara siyang kinaaraman sa nadiskubreng shabu laboratory sa Barangay Palta Smaal Virac Catanduanes.
Ini an katakod kan pagsasangat nin kaso sa Ombudsman kontra sa saiya asin ki Virac Mayor Samuel Laynes asin an kapitan kan nasambitan na barangay.
Nagtutubod man si Cua na politika an nasa likod kan pagsasangat kan nasambitan na kaso.
Pigtuturo man kan gobernador na may kinaaraman an nagkapirang taga media sa pagdakula kan isyu sa nasambitan na shabu lab katakod na man kan pagkagadan kan sarong publiher sa Probinsya na si Larry Que na pigtataram na nakapagsurat pa nin mga pahayag dapit sa laboratoyo antes na ginadan.
Mientrastanto, pinahimutikan man ni Cua an isyu na dae siya nag-atendir sa ipinaapod na miting ni Presidente Rodrigo Duterte kaibanan an mga gobernador sa bilog na nasyon.
Huli digdi, ipigheras kan opisyal an sarong ladawan kan saiyang certificate of appearance ngani na patotoohan na nag-atendir siya sa nasambitan na miting sa Palasyo kan Malakanyang.
