LEGAZPI CITY-Aminado an Legazpi City Councilor na naobserbaran an good governance sa sa enot na 100 days na serbisyo kan Legazpi City Government.
Segun kay Legazpi City Councilor Sunshine Imperial, intrevista kan Bombo Radyo Legazpi, na sa pangengenot ni Mayor Hisham Ismail an nailatag na an saiyang mga naginibohan siring man an mga magigin plano para sa ciudad.
Tututukan man suboot an mga programa para sa salud asin edukasyon siring man an pagkakaigwa na nin pasilidad para sa mga may ‘special needs’ kun sain libre ini para sa gabos.
Dugang pa niya na magayon an nagin dalagan kan saindang sanggunian kasabay an direktiba ni Mayor Isham orog na sa lado kan turismo, sa trapiko, asin sa pagsasagibo nin clearing asin declogging.
Laoman man suboot na magpapadagos pa an pagkakaigwa nin mga programa, plataporma, asin serbisyo para sa pag-asensyo kan ciudad kan Legazpi.
