Gobyerno probinsyal kan Albay nagpatanid sa publiko katakod kan suboot na mga naglilibot sa barangay ngani na mangumbinsi na magkaigwa nin nominasyon sa mga kapitan

LEGAZPI CITY – Nagpatanid an gobyerno provincial kan Albay sa publiko katakod kan naglalakop na sacam ngunyan.
Ini makalihis na makaresibe nin impormasyon na igwa suboot na mga persona na naglilibot sa mga barangay sa probinsya na nagmamawot na makumbinsi an mga namamanwa na magkaigwa nin nominasyon sa mga kapitan.
Segun ki Danny Garcia, tagapagtaram ni Albay Governor Al Francis Bichara, dae dapat na magtubod sa mga siring na indibidwal huli ta dae nagkokundusir nin mga arog kaining aktibidad an gobyerno.
Pagbuyagyag pa kaini na magpapadara man sinda nin surat sa mga kapitan kan lambang barangay ngani na maipaisi sa mga ini na wara pang pahayag an administrasyong Duterte dapit bsa pagribay kan mga opisyal kan Barangay.