May nakalatag nang contigency measure o security plan an gobyerno en kaso mangyari an worst case scenario sa parte kan West Philippine Sea (WPS) lalo na nagpapadagos sa pagigin agresibo an China na mawot makarani sa BRP Sierra Madre.
Nakahanda an Armed Forces of the Philippines na ikasar an nasabing security plan.
Segun ki National Maritime Council Spokesperson Usec Alexander Lopez na parte ini kan pinaghahandaan nindang worst case scenario kun mangahas an China na liwat ranihan nin husto an BRP Sierra Madre.
Tinawan-duon man ni Lopez na warang makakapugol sa Pilipinas sa piggigibong rotation and resupply missions para sa mga tropa sa BRP Sierra Madre.
Ipinunto ni Lopez na karapatan kan nacion na ipagpadagos sana an rotation and resupply missions.
Inihayag ni Lopez na malinaw na nakabugtak sa provisional understanding sa pagultangan kan Pilipinas asin China na dae ninda dapat gambalain, harangin o ribokon an satuyang rotation and resupply missions.
Sa presente, 24 oras na nakabantay an mga tropa kan Pilipinas asin ipigdokumento an gabos nin hiro kan barko kan China asin chinese militia vessels sa West Philippine Sea.
