Nagtao an gobyerno kan Amerika nin P84 million o $1.5 million na humanitarian assistance para sa mga biktima ni bagyong Kristine.
Segun sa US Embassy na nakabase sa Maynila, an naunambitang pondo ay bilang augmentation sa nagpapadagos na pagsisikap kan US Agency for International Development (USAID) para maipanao an mga lifesaving assistance para sa mga nasalanta kan bagyo sa Bicol asin sa Batangas na makarekober nin ligtas asin may dignidad.
Naunambitan man kanEmbahada na sa paagi kan naunambitang pondo, makapagtao an USAID nin mga kinakaipuhang serbisyo arog kan malinig na tubig, sanitation, emergency shelter asin tabang pinansiyal. Matabang man an ahensiya sa pagtatao nin logistic support sa pangangasiwa kan mga evacuation center.
Mientras tanto naenot na man na nagtabang an USAID kan Oktubre 27 sa Office of the Civil Defense sa pananao nin mga shelter-grade tarpaulins asin household relief kits sa Bicol sa paagi kan C-130 na itinao kan gobyerno nin Singapore.
Naka-preposisyon na man an disaster relief items sa OCD humanitarian relief depot sa Fort Magsaysay, asin sarong EDCA site sa Nueva Ecija.
