LEGAZPI CITY- Ipiglansar kan gobierno provincial an Albay Provincial English Language Proficiency Program (PELPP), na sarong programa na obhetong makatabang sa pagpapakusog kan kasanayan kan mga estudyante sa pampublikong ekwelahan sa provincia sa lenggwaheng Ingles.
Pinaglalaoman na nasa 14,000 na mga incoming Grade 12 Senior High School students sa provincia an makikinabang sa nasabing programa.
Makikipagtabangan an Provincial Education Department sa Department of Education asin Efekta Education Group para sa implementasyon kan programa.
Obheto kaini na mas mahasa an mga estudyante sa pagbabasa, pagsurat, pagtaram, asin pagsabot sa leksyon.
Sa paagi kan nasabing programa, target na mapakusog an kasanayan sa komunikasyon kan mga estudyante sa provincia ngani na maihanda an mga ini sa mas dakol na oportunidad, urog na sa paghahanap nin trabaho sa futuro.
© Albay Provincial Information Office
