LEGAZPI CITY- Nagpahayag nin bilog na suporta an provincia kan Albay sa Plan and Do Program kan Department of Human Settlement and Urban Development para sa Provincial Development and Physical Framework Plan kan provincia.
Segun ki Provincial Planning and Development Office Head Arnold Onrubia sa intrevista kan Bombo Radyo Legazpi na an paglalansar kan nasabing programa an pinartisiparan kan 18 na mga lokal na gobierno sa provincia.
Obheto kaini na mas mapakusog pa an land use planning kan mga lokal na gobierno.
Napag-araman kaya na sa presenteng tulong lokal na gobierno pa sana an igwang aprubadong Comprehensive Land Use Plans kaibanan na an mga ciudad kan Legazpi asin Tabaco siring man an banwaan kan Daraga.
Sinabi kan opisyal na antes magtapos an presenteng taon, target na maaprubaran man an Comprehensive Land Use Plans jkan mga banwaan kan Pio Duran, Polangui asin Manito.
Dugang pa ni Onrubia na planong madeterminar kun ano an magigin socioeconomic development kan sarong local government unit.
