LEGAZPI CITY — Ipinagpapasalamat kan ACTS OFW Partylist an pagpapaotob kan gobierno sa total deployment ban sa Kuwait.
Sa ekslusibong intrevista kan Bombo Radyo Legazpi ki Rep. Aniceto ‘John’ Bertiz kan nasabing partylist, taong 2016 pa suboot kan magsunad sinda nin resolusyon sa moratorium sa deployment katakod naman kan halangkaw na numero kan mga naabusong obrerong Pinoy sa nasabing nacion.
Katakod kaini, padagos man na nakikipagkoordinar an kongresista sa mga ahensya kan Department of Labor and Employment (DOLE), Philippine Overseas Employment Administration (POEA), Overseas Workers Welfare Administration (OWWA) asin Department of Foreign Affairs (DFA) sa tabang na maitatao sa mga repatriated overseas Filipino workers (OFWs).
Naglalaom man an lehislador na magkakaigwa nin mas makusog na proteksyon an mga OFW en kaso mapirmahan na an bilateral agreement sa pagultanan kan gobierno kan Pilipinas asin Kuwait mantang kinalampag man an pirmi na sana suboot na ‘reactionary move’ kan nacion sa mga siring na isyu na dapat kutang magin consistent sa pagbusol kan ley.
Apelar pa ni Bertiz an pagtutok sa mga illegal recruiter kasabay kan patanid na karsel an kakabagsakan kan mga tawong matabang sa pagdeploy kan mga bagong OFW pasiring sa nasabing nacion sa tahaw kan ban.
Magigirumduman na pinakahudyan na nagbusol sa presidente tangarig na ideklara ang deployment ban sa Kuwait an pagkakadiskubre kan Pinay na si Joanna Demafelis sa sarong freezer sa apartment kan mga among pigtutubudang nasa likod kan krimen.
