LEGAZPI CITY— Nangapudan an grupong Bantay Bigas sa gobierno na dapat i-asigurar an produksyon kan mga lokal na paraooma sa nacion sa tahaw kan nagpapadagos na krisis sa langis magin an presenteng namamateang El Niño.
Segun ki Bantay Bigas Spokesperson Cathy Estavillo, sa intrevista kan Bombo Radyo Legazpi, na ikundusir ini sa paagi kan direct intervention ni Presidente Bongbong Marcos siring kan support production subsidy, pag-asigurar sa post-harvest facilities huli sa importante ini para sa mga paraooma.
Segun saiya na an mga pangapudan na ini an sarong basic na kahagadan alagad hasta sa ngunyan dae natutugunan kan gobierno.
Inihayag man ni Estavillo na an pondong P200 billion unprogrammed fund para sa taong 2026 an gamiton sa produsyon huli sa magagamit ini bako sana paraooma an matatabangan kundi magkakaigwa nin kasiguradohan sa pagkaon an namamanwaang Pilipino.
Sa presente nagpapadagos pa an pagkua nin datos kan grupo sa kun gurano an mawawarang ganansya sa mga paraooma kun dagos na maapektaran an saindang pamumuhay kan El Nino na hasta sa presente wara pang simbag an gobierno sa nasabing isyu.
