Sinabi ni Palace Press Officer Undersecretary Atty. Claire Castro na bukas an gobierno kan Pilipinas sa posibleng dayalogo ki dating Congressman Zaldy Co.
Ini an sa tahaw kan pigkakahampang na arrest warrant kan dating kongresista may kinaaraman sa P289 million project sa Oriental Mindoro.
Marurumduman na enot ng nagluwas an mga impormasyon na nagpapamati si Co asin mawot na makipag koordinar sa Ombudsman.
Sa ibong kaini, nilinaw ni Castro na dae pa nagpapaluwas nin komunikasyon si Co kun mawot kaining makaolay si Presidente Ferdinand Marcos Jr. an administrasyon.
Marurumduman na enot na inakusaran ni Co si dating House Speaker Martin Romualdez asin si Presidente Marcos na suboot nagresibe nin mga kickbacks hali sa maanomalyang flood control projects, bagay na pinahimutikan kan mga opisyal.
Nanindugan man si Castro na mawot ni Presidente Marcos na magluwas an mga katotoohan dapit sa anomalya sa flood control projects.
