LEGAZPI CITY — Pignombrahan kan Philippine Coast Guard (PCG)-Bicol si Masbate Governor Antonio Kho sa isinagibong awarding ceremony kan nasambitan na ahensya.
Si Kho an solamenteng gobernador gikan sa Bicol na tinawanan nin honra durante kan nasambitan na event susog sa Facebook post ni Masbate Public Information Office (PIO) chief Nonielon Bagalihog Jr.
Ini huli na man suboot sa mahigot na kampanya kan ama kan probinsya kontra sa iligal na pagsisira ngani na maprotihiran an kadagatan urog pa na bisto an saindang lugar sa mabaskog na marine resources na iyo man an primerong pagkabuhay kan mga Masbateno.
Sinabi pa ni Bagalihog sa saiyang post sa social media na nagbunga na an paghigos kan saindang padabang gobernador.
Nagbulos man an pagbati ki Kho makalihis an saiyang nakuang honra.
