LEGAZPI CITY- Nahahampang ngonian sa kasong murder an gobernador kan Catanduanes, sarong pulis asin tolong iba pa makalihis an ipigsangat na reklamo sa Department of Justice (DOJ) kan agom kan nagadan na journalist na si Larry Que.
Nakakaag sa reklamo ni Edralyn Pangilinan an pag-aakusa kan krimen ki Governor Joseph Cua, PO1 Vincent Tacorda, Prince Lim Subion asin duwang dae pa nabibistong kalalakihan.
Apwera sa nasambit na kaso ki PO1 Tacorda, nahahampang man ini sa robbery charges mientras na enot na man na napabareta ang dapit sa pagdemiter sa posisyon ni Tacorda huli sa suboot mga iligal na aktibidades kan ga pag-iriba siring na sana kan extrajudicial killings, korapsyon asin pagtatanom nin mga ebidensya.
Magigirumduman na binadil si Que kan nakaaging Disyembre 19 na nagresulta sa kagadanan makalihis na tamaan sa payo.
Nangayari an inisidente sa kasagsagan kan pagkakadiskubre kan mega shabu laboratory sa Brgy. Palta Small sa Virac kun saen saro an nasambit na journalist sa mga nagpaluwas nin maiinit na banat kontra sa mga lokal na opisyal kan Catanduanes.
