LEGAZPI CITY- Padagos an esfuersos kan mga otoridad sa Japan ngani na maibalik an suplay kan kuryente sa mga harong na naapektaran kan magnitude 7.5 na linog.
Segun ki Bombo International News Correspondent Myles Briones Beltran na basado sa inisyal na datos, nasa poco mas o menos 800 na mga kaharungan an naapektaran kan power outage.
Pighihidali suboot an pagpakarahay kaini huli ta winter sa Japan asin kinakaipuhan kan mga residente nin heater bilang panlaban sa malipot na panahon.
Napag-araman na wara man na naapektaran na mga nuclear power plant kaya pinaglalaoman na maibabalik sa normal an sitwasyon.
Aminado man si Beltran na sa ibong kan makusog na pagyugo, dae ini marhay namamatean sa Japan huli sa disenyo kan mga establishimento na maikokunsiderar na earthquake proof.
