Saru-saro nang nag-abot sa nasyon an mga player kan Gilas Pilipinas para sa paparaning FIBA Asia Cup sa maabot na Domingo.
Gikan sa mga liga nindang pigbalehan sa ibang nasyon, nasa Pilipinas na ngunyan sinda Kai Sotto asin guard na si Dwight Ramos mantang piglalaoman na sa mga masunod na aldaw maabot man sinda AJ Edu asin Carl Tamayo.
Tulos na madiretso si Tamayo sa Inspire Sports Academy sa Laguna kun sain mapuon sa aldaw na Biyernes an saindang training camp.
Sa nasambitan na apat na player, si Edu an makawat sa pangengenot ni head coach Tim Cone.
Enot na makakalaban kan Gilas an New Zealand sa Nobyembre 21 sa Mall of Asia Arena asin susundan kan Hong Kong sa Nobyembre 24.
