LEGAZPI CITY-Tinawan doon kan sarong Peace Studies Professor na dai maghahaloy an gera sa middle east alagad saro ining extension kan polisiya ngani i-disable an kalaban.
Paliwanag ni Bicol University Peace Studies Professor Dr. Herbert Rosana sa intrevista kan Bombo Radyo Legazpi na kinakaipuhan man liwat na magin handa huli na magigin ugat ini kan “future justification of violence”.
Alagad, sinabi kan Propesor na sa presente nagsasagibo na nin posibleng lakdang an Iran ngani makipag-negosasyon sa Estados Unidos.
Nangyayari suboot ini huli ta nahihiling kan Israel asin Estados Unidos an Iran bilang “threat” o peligro orog na an pigsasabing nuclear weapon.
Dagdag pa ni Rosana na mawot ni US President Donald Trump na pakusugon an Amerika alagad “very polarized” an saiyang approach na nagke-krear nin mga kakampi o kalaban.
Naka-apekto man suboot an relihiyon sa gera huli ta igwa ining dakulang role para sa duwang nacion kun sain magkaiba sinda nin pagtubod na nakakaapekto sa saindang point of view.
Kun magpapadagos pa an tension, imposible man suboot na magbalos an mga middle east countries o gulf countries huli ta may operasyon an Israel asin Amerika sa laog kan Iran asin sinda mismo an target asin ma-sustain kan mga danyos.
Kadakol man suboot na mga centers of power sa middle east kun sain kalaban an Iran siring kan Turkey asin Saudi Arabia asin iba pang gulf states.
Mientrastanto, posible man na magsagibo an mga international organizations nin lakdang ngani mag-back down an Estados Unidos asin Israel asin magkaigwa nin negosasyon sa Iran.
