Pigsierto ni Committee on Finance Chairperson Sen. Sherwin Gatchalian na igwa nin nakatagama na budget para sa Academic Recovery and Accessible Learning (ARAL) Program sa irarom kan 2026 Budget.
Sinabi pa ni Gatchalian na haros P9 billion an nakatagama sa irarom kan programa, na obhetong maparikas an learning recovery kan mga estudyante.
Basado kaya sa estimasyon kan Department of Education (DepEd), sa irarom kan programa, nagkaigwa nin improvement nin haros limang puntos sa reading readiness kan mga estudyante sa grade 3 hasta 6 mantang an mga nasa grade 7 hasta 10 igwa nin improvement na anom hasta siyam na puntos.
Ini suboot an pagpapahiling sana kan suporta kan gobyerno sa implementasyon kan programang ARAL ngani na maibsan an krisis sa edukasyon na haloy nang pigkakahampang kan nasyon.
Mientrastanto, sa irarom kan 2026 national budget, bilyones na pondo an itinagama nganing tabangan an haros 440,000 na mga paratukdo na maabot an target na 6.7 milyones na mga estudyante para sa school year 2026-2027.
 Program under the 2026 Budget.){kind=link}