Panibagong paglangkaw na naman sa presyo kan gasolina asin diesel an masabat sa mga motorista sa masunod na semana.
Magkakaigwa na naman kaya nin maglalahalong paghiro sa presyuhan kan produktong petrolyo.
Segun sa Department of Energy-Oil Industry Management Bureau na an gasolina an posibleng magkaigwa nin umento na nasa 15 sentimos hasta 45 sentimos kada litro mantang an diesel an malangkaw man nin 10 sentimos hasta 40 sentimos kada litro.
Mientras tanto, an kerosene an magkakaigwa nin tapyas na nasa 20 sentimos hasta 30 sentimos kada litro.
Komon na pig-aanunsyar an pinal na oil price adjustment tuyong Lunes asin pigpapaotob tuyong aldaw nin Martes.
