LEGAZPI CITY—Pigkondena kan Gabriela Bicol an nangyaring bako angkop na karaw asin pahayag kan sarong radio program anchor sa sarong babaeng reporter mantang nasa live coverage.
Kun magigiromdoman nagbabareta an reporter mapadapit sa pang-aabuso sa mga kababaihan asin kajovenesan kan an anchor an nagbutas nin suboot rape joke.
Segun ki Gabriela Bicol Spokesperson Jen Nagrampa, sa intrevista kan Bombo Radyo Legazpi, na dae dapat nagbutas asin piggibong karaw an orolay mapadapit sa report urog na saro ining sensitibong kaso siring man na bako ini komportable sa babaeng reporter.
Tinawan-doon kan opisyal na bako ini makaulok asin dae dapat gibohon na joke o entertainment an orolay sa rape urog na pig-report ining live asin may kinaaraman ini sa ipig-report kan babae.
Posible suboot na nabalgar kaini an Safe Spaces Act asin Bawal Bastos Law.
Sinabi man ni Nagrampa na bilang anchor o journalist an kinakaipuhan na magin sensitibo sa mga pigbubutasang pahayag.
Kinakaipuhan suboot na ipaglaban o mag-speak out kan mga biktima para mas dakol an maengganyar na magtaram kan saindang sitwasyon mapadapit sa nasabing isyu.
