LEGAZPI CITY – Ikinahahadit na kan Gabriela Bicol an padagos na paglangkaw kan mga kaso nin pang-aabuso sa mga kababaihan sa bilog na rehiyon.
Segun ki Jen Nagrampa, an tagapagtaram kan nasambitan na grupo, base sa saindang paglibot-libot asin pakikipag-olay sa mga kababaihan sa manlaen laen na probinsya sa Bicol, nahiling suboot ninda an dakol na kaso nin violence against women na mantenido sa paglangkaw.
Dugang pa ni Nagrampa na makahandal pa digdi iyo an katotoohan na minsan an mga dapat na tagasurog pa kan ley an mga suspek sa mga pang-aabuso sa mga kababaihan kaya difisil na mapanimbag huli ta magin an mga biktima an takot man na maghagad nin tabang sa mga otoridad.
Difisil suboot na maresolberan an mga siring na kaso urog ng wara man na bastanteng ebidensya kaya dae natatawan nin hustisya an mga nagigin biktima.
Sa ibong kaini, sienerto kan nasambitan na grupo na mantenido an pagprotehir ninda sa mga kababaihan asin pagigin boses kan mga naaabuso.
