LEGAZPI CITY — Nanghihinayang asin dae makapanubod an sarong French national makalihis na mahabasan nin importanteng gamit sa merkado publiko kan ciudad kan Legazpi partikular na sa Brgy. 37 Bitano.
Tulos na ipinagtaong-aram ni Claire Bussard, 25 anyos asin presenteng nakaistar sa Bogtong Village, Brgy. Udalo, banwaan kan Abra de Ilog, Mindoro Occidental sa mga otoridad an pagkawara kan pagsadiring cellphone na nagkakantidad P13, 000.
Dugang pa ni Bussard, hudyan na kan manotisyaran niya na bukas na an bulsa kan sulot na backpack asin nawawara na an nasabing bagay.
Mientras tanto, nagtutubod man an mga otoridad na madadakop an dae nabistong suspek huli ta may nakahiling kan pangyayari na makakapagtukdo sa guminibo kan panghahabas.
