Nagpromesa an France foreign minister na susuportaran an plano kan Ukraine na tapuson nana an giyera kontra sa Russia.
Marurumduman na isinapubliko ni Ukrainian President Volodymyr Zelenskyy an victory plan kan Kyiv na naglalaom na matapos na an nagpapadagos na pagsakop kan Russia.
An nasabing proposal an pigkokunsiderar ngunyan kan Western partners kan Ukraine ngani na maisakatuparan an plano.
Segun ki French Foreign Minister Jean-Noël Barrot na kun magtatrayumpo an Russia, nangangahulugan ini nin mas halawig pang kariribukan.
Kun babalikan, puon kan maglanar an Russia nin full-scale invasion kan Pebrero 24, 2022, saro an Frace sa mga nagtabang sa military kan Ukraine.
Inanunsyar man ni Barrot na magpapadara an France nin enot na batch kan Mirage 2000 combat jets sa Ukraine sa enot na tulong bulan kan 2025, kun sain an mga Ukrainian pilots asin mechanics an isasairarom sa training ngani na mapalayog an nasabing mga jets.
