Kumpiyansa si Nicholas Kaufman na nakakaresibe nin magkakanigong pagtrato si dating Presidente Rodrigo Duterte mantang nasa laog kan International Criminal Court (ICC) Detention Centre.
Sa sarong entrevista, pigduon kan lead counsel kan dating presidente na maray an saiyang kamugtakan sa laog kan pasilidad, sa ibong kan saiyang edad.
Sinabi man kaini na regular na pighihiling an salud kan dating presidente, mantang nirerepaso man an saiyang health records kada 120 aldaw.
Dati nang kinumpirmar ni Kaufman na nakaresibe nin kopya an Defense team kan ebalwasyon na binilog kan independent medical team na pigsugong mag-assess kan kamugtakan kan presidente asin aramon kun siya makakaatendir asin manindugan mantang pigdadangog an saiyang kaso.
Tanggap na man kan Defense panel na sa laog kan pasilidad iseselebrar kan dating presidente kapaskuhan, sa ibong kan saindang plano na magsunad liwat nin petisyon para sa saiyang paramientras na libertad, makalihis maresibi an kopya kan report.
Mientrastanto, liwat na hinagad ni Kaufman sa publiko na irespeto an ICC asin igalang an mga procedure na itinalaan kan international tribunal.
 Detention Centre.){kind=link}