Pinaglalaoman na magsasagibo nin press conference ngunyan na Biyernes, Oktubre 2, si dating senador Antonio Trillanes IV, sarong aldaw makalihis kumpirmaron na dae na siya ihahampang bilang witness sa impeachment trial ni Vice President Sara Duterte.
Enot na nakatalaan na tumestigo si Trillanes para sa House prosecution panel katakid kan mga alegasyon sa suboot unexplained wealth asin financial transactions na pigtutukar sa Article II kan impeachment case.
Alagad kan Oktubre 1, sinabi ni House lead prosecutor Rep. Gerville Luistro sa impeachment court na pinal na an saindang desisyon na dae na ihampang si Trillanes bilang testigo.
Kalaunan, nilinaw ni Trillanes na siya mismo an naghagad ki Luistro na halion an saiyang pangaran sa listahan kan mga testigo.
Segun sa dating senador, ginibo niya ini ngani nam aibsan an pressure na nararanasan kan prosecution panel.
Imbes na maghampang bilang testigo sa impeachment court, sinabi ni Trillanes na ilalahad niya sa conference ang mga impormasyong mawot niyang ihampang sa paglilitis.
Huli digdi, pig-aantabayanan an mga magigin pahayag ni Trillanes.
