LEGAZPI CITY—Naglalaom si Former Representative France Castro na ibuyagyag ni Office of the Vice President (OVP) Chief of Staff Atty. Zuleika Lopez an katotoohan sa impeachment trial ni Vice President Sara Duterte.
Segun ki Castro, sa intrevista kan Bombo Radyo Legazpi, na dae pwedesir na gibohon niya an dati niyang ginibo sa hearing kan House of Representatives na gari naglilikay sa mga kahaputan kan miyembros kaini mapadapit na confidential funds ni VP Sara.
Tinawan-doon niya na kaipuhan kaining mag-focus asin magsabi nin totoo sa trial kan bise presidente.
Piglalaoman niya na itutuga kaini na yaon siya sa video conference kan bise presidente magin an mga sinabi niya durante kaini.
Dugang ni Castro na pasado para saiya an prosecutors sa enot na semana kan paglilitis huli sa napatunayan ninda an saindang mga pahayag maski na mawot kan depensa na banggaon an testigo na nag-authenticate kan video ni VP Sara.
Siring man naghihingo ini na sa mga masunod an mapaparikas an dalagan kan hearing huli sa nakalihis na semana an meduo mabantol suboot ini kun sain inabot nin tulong aldaw an saro pa sanang testigo. Nagmamawot ini na dae na maghapot nin nonsense an mga senator judges nganing dae man mahaluyan sa paglilitis.
