LEGAZPI CITY – Dae maipaliwanag ni Bicol University Institute of Design and Architecture (BUIDeA) former Director Architect Leo Del Rosario an saiyang namamatean makalihis magtopnotcher an saiyang aki na si Architect Christus Leo Warde Del Rosario sa 2026 Architecture Licensure Examination.
Sa intrevista kan Bombo Radyo Legazpi sa dating director, sinabi kaini na an batch kan saiyang aki an saindang pig-aantabayanan huli ta sinda an enot na nagsa-irarom sa Kto12 curriculum, pandemic, asin kakulangan sa eksperyensya na kinakipuhan nganing makapag-apply sa naunambitang eksaminasyon.
Bilang sarong ama, dae niya suboot pigdudahan an saiyang aki na maabot an saiyang pangaturugan asin pinatunayan na kaya niyang magtayumpo na nagtitindog sa sadiring bitis.
Bilang dating Director man suboot kan naunambitang departamento, expected niya na magkakaigwa nin topnotcher na gikan sa Unibersidad alagad dae niya piglalaoman na mangengenot ini sa Top Performing Schools sa Architect Licensure Examination ngonian na taon makalihis an impresibong rating na 98.63%.
Mensahe man ni Del Rosario sa saiyang aki na pakarayon an saiyang trabaho bilang sarong lisensyadong Architect huli ta iba ini sa pagiging topnotcher.
 former Director Architect Leo Del Rosario cannot explain his feelings after his son Architect Christus Leo Warde Del Rosario topnotcher in the 2026 Architecture Licensure Examination.){kind=link}