Luminobo sa$7.1 bilyon an kabilugan na net foreign direct investments (FDI) na naglaog sa Pilipinas puon Enero hasta Nobyembre 2025.
Basado ini sa ipinaluwas na datos kan Bangko Sentral ng Pilipinas (BSP), na nagpapahiling kan pusog na kumpiyansa kan mga dayuhang negosyante sa ekonomiya kan nacion.
Para sa bulan nin Nobyembre 2025, nakapagrehistro an nacion nin net inflows na nasa $897 milyon.
Basado sa datos na an South Korea an nangenot na pinagkuwaan nin pondo sa nasabing bulan, ku sain an dakulang parte kan saindang puhunan an napasiring sa manufacturing industry.
Sa kabiluhan na peryodo kan onseng bulan kan taon, afuera sa South Korea, naghali man an bulto kan equity capital placements sa Japan, Estados Unidos asin Singapore.
An mga naglaog na pamumuhunan an ipigtagama sa pagtalubo kan manufacturing, wholesale and retail trade, asin real estate.
Segun sa mga eksperto na an padagos na pagkusog kan foreign direct investments an krusyal sa pagpaparikas kan produksyon asin pagbubukas kan dakol na oportunidad sa trabaho.
