Uminabot pa sa $154.93 billion o P9.60566 trillion an kabilugan na external debt kan Pilipinas kan huring parte kan Hunyo 2026 hali sa daring $147.35 billion sa nakalihis na quarter.
Huli digdi, naglangkaw nin 31.6% an antas kan utang kontra sa gross domestic product (GDP) kan nacion hali sa dating 30.0%.
Sa ibong kan paglangkaw kan mga obligasyon, nagtetenir na pusog an liquidity buffer kan nacion sa tabang kan 104.74 billion na gross international reserves (GIR) na kayang magpondo sa mga panandalian na utang.
Nagbaba man sa 9.0% an debt service ratio hali sa 9.2% kan nakalihis na taon, na nagpapahiling na bastante an naglaog na foreign money ngani na bayadan an mga nakatalaan na pagkakautang.
Segun sa mga opisyal, ang paglangkaw kan utang an kawsa kan mga pautang asin pag-isyu nin global bonds kan gobierno para sa national budget asin iba pang mga proyekto.
